ماراح أتكلم عن أحداث الفلم السخيفة جداً بشكل كبير، مش عشان ما أبي أحرق بس عشان ما أبي أتذكر هالأحداث الغبية جداً. مع كل مرة ينتهي جزء من السلسة، يجينا مشهد جديد حق سيكول سخيف قادم، و للأسف مع كل جزء جديد مستوى القصة ينحدر للأسفل. الفلم الجيد بصراحة كان الجزء الأول، فلم يحسسك بالواقعية و مافيه شغلات الأكشن السخيفة، لو كانوا مستمرين على هالنظام من غير سخافة كان الأفلام الحالية صارت مقبولة.
الجزء هذا يحكي قصة أليس بعد أحداث الجزء الخامس، حيث أنها بدت تحلم حلم غريب للعالم الصناعي اللي تعيشه نسخة ثانية لها، بعدها تصحى من النوم و تحصل جيل النسخة الشريرة تستجوبها بعدها تجي Ada Wong عشان تساعدها تطلع من منظمة أمبريلا.
في الجزء هذا حشروا كل شخصيات اللعبة و اللي أهم بيري، إيدا وونق، ليون إس كينيدي، جيل فالينتاين.، طبعاً كريس و أخته كلير ريدفيلد سبق و ظهروا في الجزء الخامس.
الشخصيات كلها غلط في غلط، مثلاً إيدا وونق جابوها من مراقص الفلبين، و ليون أس كيندي جايبين لك واحد رجال بزيادة و معضل و غصب يبون يمخكرونه، كذالك جابوا كل طاقم الفرقة المسلحة حق الجزء الأول على أساس أنهم يبون يسوون حماس لكن الفلم مازال يثبت فشله و ينزل للأسفل و مادري إذا كان للمثلين و المخرج إحساس أو لا.
الإجابيات
- مافي غير الCGI ممتاز
السلبيات
- تويست أبو كلب
- سيناريو أبو كلب و أحداث ما يسويها ألا بزر مابعد يخش المدرسة
-شخصيات كلها على بعضها غلط x غلط
-حوارات غبية جداً، الشي الوحيد الي خذوه من العاب ريزيدنت افل الكلاسيكية.
-التبشير بسيكول فاشل قادم
-أحداث مستنسخة من الالعاب، شقلبة إيدا وونق قدام ليون جابوها بالفلم.
-أجواء كونق فو مدري وش تبي
-سلو موشن ماحد يبي يشوفه، إلا غصب يبون إنتر تو ذي ميتريكس.
-أحداث ماترتقي لمسلسل خليجي فاشل بكل المعايير.
التقييم النهائي
2/10 عطيته نقطتين عشان الCGI ولا الفلم فاشل بكل المعايير لا تفكر تشوفه، روح شوف مقاطع تميلح بدر آال زيدان أو شوف لك مسلسل كويتي أحسن لك، لكن لا تفكر تشوف هذي المسخرة.
0 التعليقات:
إرسال تعليق