أخيراً رجع تشابتر ناروتو بعد إجازة الكاتب | أحداث مهمة صارت في هالتشابتر!
أيش صار؟
-أخيراً مادارا قدر يسحب كل وحوش البيجو من ضمنهم الهاتشيبي و الكيوبي، ما أعرف أيش صار بالضبط لكيلر بي! لكن يبدو لي أنه مات بسبب سحب الهاتشيبي منه.
-ناروتو مغمى عليه ولا يقدر يسوي شي خصوصاً أن الكيوبي تصادر منه و ماعاد يقدر يسوي شي حتى لو أستفاق من الإغماء.
-توبيراما حاول يقاتل مادارا راس براس و هو قاعد يستخدم تقنية ميناتو في التنقل لكن ماقدر يكمل ثانية وحدة قدام مادارا و مات!
-الهوكاجي الأول يتأمل في ساسكي خير و ينقل له التشاكرا قبل لا يموت هو الثاني لعل و عسى يقدر يسوي شي، ناروتو خلاص ماعنده شي يقدر يسويه و الامل صار بيد ساسكي!
-ساسكي يفشل بأول هجمة ضد مادارا الي زرع السيف داخل قلبه مباشرة!
التحليل
ما أعتقد أن ناروتو بطل المسلسل راح يخسر بهذي السهولة، الكاتب بيحصل طريقة أو أخرى عشان يرجعه، في البداية توقعت أن ناروتو بيسوي نسخة للكيوبي عشان يخدع مادارا لكن يبدو لي أن الكيوبي فعلاً أنسحب من ناروتو و أنقضى الأمر.
وحوش البيجو الآن كلها بحوزة مادارا، و الجيوبي بالطبع أقوى من الجيوبي الي طلع بالمرة الأولي لانه بكامل قوته و بكامل وحوش البيجو!
في الوقت الي راح فيه توبيراما راس براس ضد مادارا، الهوكاجي الأول نقل التشاكرا حقته لساسكي، و الحين ساسكس صار عنده مسارين من المسارات الستة لو أعتبرنا أنه أخذ خلايا هاشيراما، و هنا ساسكي بيكون قادر أنه يعالج نفسه زي ماكانت تسوي تسونادي، إلا أن ساسكي أخذ التشاكرا الاقوى مم الهوكاجي الأول، و هذا يعني أنه أفضل من تسونادي بمراحل ضوئية.
زي ماشفنا بنهاية التشابتر، ساسكي حاول يسوي شي لمادارا لكن مباشرة أستلم طعنة في قلبه بالسيف الي كان بيد مادارا. ممكن مادارا في هالحالة ماكان يدري أن ساسكي يحمل تشاكرا السينجو، فضربة مادارا ماراح تأثر على ساسكي.
الأمل بأقوى الكواجي مفقود لأن توبيراما و هاشيراما أنهزموا و ماتوا من جديد، و ما أتوقع ميناتو و سارتوبي بيسوون شي مدام اللي أقوى منهم خسروا المعركة... بسهولة.
0 التعليقات:
إرسال تعليق