السلام عليكم و رحمة الله و بركاته
من فترة طويلة تمنيت أني أشوف ريميك لفلم الرعب الشهير Evil dead، اللي صدر من أكثر من ثلاثين سنة تقريبا و مع قدم التقنيات المستخدمة و ضعف الاداء الاخراجي قدر الفلم يوصل فكرة الرعب اللي أنا و قليل من الناس حول العالم يحبونها ذاك الوقت ( طبعاً الحين المحبين لهالنوع من الافلام صاروا كثير و هي استحضار ارواح شريرة او الجن ).
تم عمل الفلم و ظهرت له عروض من عدة شهور تقريبا و توقعت أن الإخراج بيودي الفلم لمستوى أفضل في مجال الرعب و اللي ماكان المخرجين وقتها يقدرون يطبقونها لبدائية العتاد الموجود في اخراج الفلم، لكن للأسف اللي شفته بالفلم الجديد ما يخليني حتى أقارنه مع الأفلام القديمة.
السلبيات:
-اشكال غبية مانخوف
-قصة محبوكة بشكل سيء جداً و غير منطقية عكس الجزء الأول
-التصنع الموجود في الممثلين
-الجن كأنهم زومبي أذكياء يتكلمون عكس الجزء الأول اللي يحسسونك أنهم جن يبون يصرعونك!
-الإخراج سيء بكل المقاييس و الظاهر أنهم حاولوا يحاكون الاجزاء القديمة بالاسلوب
الاجابيات:
-وضوح عالي بالتصوير
قصة ايفل ديد الاساسية:
مجموعة شباب من ثلاث بنات و شابين راحوا يفلونها بكوخ قديم مهجور، واحد فيهم تلقف و قعد يقرأ كتب إستحضار الجن لين طلعوا عليهم و سكنوا أجسادهم و ظل واحد منهم في صراع ضد أربعة من الجن اللي كان همهم أنهم يخوفونه أكثر من ما يقتلونه و عشان يتخلص منهم لازم يحرق كتابهم الملعون.
